माणुसकी

कल्की नावाचा माणूस एका बर्फाच्या कंपनीमध्ये काम करत होता एक दिवस कामाचा वेळ संपत आला होता सगळे घरी जाण्यासाठी तयार होते. तेवढ्यात कंपनीमध्ये थोडा तांत्रिक बिघाड झाला म्हणून कल्की बिघाड दुरुस्त करायला गेला. त्याला काम करता करता खूप उशीर झाला त्याच्या लक्षात आले नाही की तोपर्यंत सगळे लाईट आणि दरवाजे बंद करून घरी गेले. अशा परस्थितित त्याचा बर्फ आणि थंडी ने जिव जाणे, निश्चित होते. कल्कीला काही सुचेनासं झालं, पण थोड्याच वेळात एक चमत्कार झाला. आणि कोणी तरी दरवाजा उघडला. तो समोर पाहतो तर सुरक्षा रक्षक हातात टॉर्च घेऊन उभा होता. त्याने त्याला बाहेर काढून त्याचा जिव वाचवला. कंपनीच्या बाहेर आल्यावर त्याने सुरक्षा रक्षकाला विचारले, "तुम्हाला कसे कळले की मी आत अडकलोय." सुरक्षा रक्षक म्हणाला, "या कंपनीमध्ये तुम्ही एकटेच असे आहात की जे रोज मला येता जाताना नमस्कार करतात आणि आज सकाळी तुम्ही कामावर आलात पण संध्याकाळी गेला नाहीत. म्हणून माझ्या मनात शंका आली आणि मी पाहायला आलो."

तात्पर्य : माणुसकी कधी कामाला येईल सांगता येत नाही