एका गावात एक पोस्टमन पत्रवाटप करायचा. त्याच गावात एक दोन्ही पायाने अपंग असलेली एक तरुण मुलगी राहत होती एक दिवस त्या मुलीने पोस्टमन अनवाणी पायाने आलेला पहिला आणि त्याला दिवाळीची भेट म्हणून सुंदर चप्पला दिल्या.
दुसऱ्या दिवशी पोस्टमन नवीन चप्पल घालून त्याच्या ऑफिसात साहेबांकडे गेला. आणि म्हणाला, " मला फंडातून कर्ज हवे आहे" साहेब म्हणाला, "अरे आधीच तू कर्जाच्या ओझ्याने एवढा एकला आहे आणि पुन्हा आता पुन्हा कर्ज कशाला? पोस्टमन म्हणाला, "मला जयपूर फूट (लाकडी पाय) घ्यायचे आहेत. त्यासाठी हवे आहेत." साहेब म्हणाले "पण तुझा मुलगा तर धडधाकट आहे. जयपूर फूट कुणासाठी? पोस्टमन म्हणाला "साहेब, जे माझ्या धडधाकट मुलाला उमजले नाही, ते एका परक्या अपंग मुलीला उमजले आहे. माझे "अनवाणी" दुःख तिने कमी केले आहे. तिच्यासाठी मी किमान कर्जाने ना का होईना पण पाय घेऊन देऊ शकतो. म्हणून कर्ज हवे आहे." साहेबासह सर्व स्टाफ स्तब्ध झाला
ताप्तर्य : चांगल्या कामाचे फळ नेहमीच मिळते
No comments:
Post a Comment